«Aston Villa» adidas kompaniyasi bilan hamkorlikda 2026/27 yilgi mavsum uchun mo‘ljallangan yangi safar libosini rasman taqdim etdi.
Yangi dizayn klubning uy stadioni — «Villa Park» atrofidagi mashhur gaz chiroqlaridan ilhomlanib yaratilgan. Ushbu chiroqlar klub tarixi va uning ildizlarini ifodalovchi ramzlardan biri hisoblanadi.
Maydon futbolchilari uchun mo‘ljallangan libos asosan qora rangda ishlangan. Futbolkada chiroqlardan ilhomlangan o‘ziga xos naqshlar aks etgan, yeng qismi esa oltin tusdagi adidas chiziqlari bilan bezatilgan.
Shuningdek, futbolka ko‘krak qismida «Aston Villa»ning an’anaviy to‘liq emblemasi o‘rniga minimalistik uslubdagi sher va yulduz tasviri joylashtirilgan. Bu yangi libosga yanada sodda va zamonaviy ko‘rinish bergan.
