"Манчестер Сити" таянч ярим ҳимоячиси Нико Гонсалес фаолиятини Мадриднинг "Реал" клубида давом эттириши мумкин. Бу ҳақда журналист Экрем Конур хабар берди.
Манба маълумотига кўра, "қироллик клуби" Родри Эрнандесни ўз сафига қўшиб олишга муваффақ бўлмаганидан сўнг, 24 ёшли футболчини трансфер рўйхатига киритган.
Бундан ташқари, "Реал" "Кристал Пэлас" ярим ҳимоячиси Адам Уортонни харид қилиш вариантини ҳам кўриб чиқишда давом этмоқда.
Янги мавсумда Гонсалес ҳозирча битта учрашувда майдонга тушди ва голли ҳаракат амалга оширмади.
Испаниялик футболчининг "Манчестер Сити" билан амалдаги шартномаси 2029 йилга қадар мўлжалланган. Transfermarkt мутахассислари унинг бозор қийматини 40 миллион еврога баҳоламоқда.
