"Арсенал" ҳужумчиси Виктор Дьёкереш фаолиятини Испанияда давом эттириши мумкин. Бу ҳақда журналист Виктор Наварро хабар берди.
Манба маълумотига кўра, швециялик футболчи ҳужумчи излаётган "Барселона"га ўз хизматларини мунтазам равишда таклиф қилмоқда. ОАВ хабарларига кўра, каталонияликлар Дьёкереш номзодини ҳақиқатан ҳам кўриб чиқмоқда, аммо у ҳозирча захира вариантларидан бири ҳисобланади.
Ўтган мавсумда Виктор Дьёкереш "Арсенал" сафида 55 та учрашув ўтказиб, 21 та гол урди ва 3 та голли узатмани амалга оширди.
Швециялик ҳужумчининг Лондон клуби билан шартномаси 2030 йил 30 июнга қадар амал қилади.
