"Arsenal" hujumchisi Viktor Dyokeresh faoliyatini Ispaniyada davom ettirishi mumkin. Bu haqda jurnalist Viktor Navarro xabar berdi.

Manba ma’lumotiga ko‘ra, shvesiyalik futbolchi hujumchi izlayotgan "Barselona"ga o‘z xizmatlarini muntazam ravishda taklif qilmoqda. OAV xabarlariga ko‘ra, kataloniyaliklar Dyokeresh nomzodini haqiqatan ham ko‘rib chiqmoqda, ammo u hozircha zaxira variantlaridan biri hisoblanadi.

O‘tgan mavsumda Viktor Dyokeresh "Arsenal" safida 55 ta uchrashuv o‘tkazib, 21 ta gol urdi va 3 ta golli uzatmani amalga oshirdi.

Shvesiyalik hujumchining London klubi bilan shartnomasi 2030 yil 30 iyunga qadar amal qiladi.