Hujumchi Xulian Alvares "Atletiko"ning qat’iy pozisiyasi tufayli bu yozda "Barselona"ga o‘ta olmaydi. Alvares transferi amalga oshmaganidan so‘ng kataloniyaliklar boshqa bir yulduz — Lautaro Martinesni qo‘lga kiritish uchun jiddiy harakat boshlagan.
The Touchline nashri jurnalist Xerard Romeroga tayanib xabar berishicha, "Barselona" allaqachon Martines transferi ustida ishlamoqda. "Inter" hujumchisi kataloniyaliklarning asosiy transfer maqsadiga aylangan. Jamoa bosh murabbiyi Xans-Diter Flik ham Lautaroni o‘z tarkibida ko‘rishni istamoqda.
28 yoshli Lautaro Martines "Inter" sardori hisoblanadi. Transfermarkt portali argentinalik futbolchining bozor qiymatini 85 million yevroga baholamoqda.
