"Manchester Yunayted" chap qanot himoyachisini qidirishda davom etmoqda. So‘nggi kunlarda "qizil iblislar" transfer imkoniyati va shartlarini aniqlash uchun "Barselona" futbolchisi Alexandro Baldening jamoasi bilan bog‘lanishdi. Biroq, taniqli insayder Fabrisio Romanoning so‘zlariga ko‘ra, 22 yoshli Balde Kataloniya jamoasidan mamnun.
Alexandro Balde nufuzli Transfermarkt veb-sayti mutaxassislari tomonidan 50 million yevroga baholanmoqda. Uning "Barselona" bilan amaldagi shartnomasi 2028 yilning o‘rtalariga qadar amal qiladi.
Balde "Barselona"ning asosiy jamoasida 168 ta o‘yinda maydonga tushib, uchta gol urgan va 21 ta golli uzatma bergan.
