«Barselona» himoyachisi Alexandro Balde joriy mavsumda atigi bir uchrashuvda 12 daqiqa maydonda harakat qildi. Yosh futbolchi Xans-Diter Flikning ishonchini yo‘qotgan va kataloniya klubi uni qishki transfer oynasida sotishni rejalashtirmoqda.
El Nacional nashri Independent ma’lumotiga tayanib xabar berishicha, 22 yoshli Baldeni qishda «Liverpul» o‘z safiga qo‘shib olishi mumkin. Mersisaydliklar chap qanot himoyachisi uchun 30 million yevro taklif qilishni rejalashtirmoqda.
Biroq «Barselona» futbolchisi uchun ko‘proq mablag‘ — 40 million yevro olishni istamoqda.
Alexandro Balde «Barselona» safida jami 169 ta uchrashuv o‘tkazib, 3 ta gol urgan va 21 ta golli uzatmani amalga oshirgan.
