«Барселона» ҳимоячиси Алехандро Бальде жорий мавсумда атиги бир учрашувда 12 дақиқа майдонда ҳаракат қилди. Ёш футболчи Ханс-Дитер Фликнинг ишончини йўқотган ва каталония клуби уни қишки трансфер ойнасида сотишни режалаштирмоқда.
El Nacional нашри Independent маълумотига таяниб хабар беришича, 22 ёшли Бальдени қишда «Ливерпуль» ўз сафига қўшиб олиши мумкин. Мерсисайдликлар чап қанот ҳимоячиси учун 30 миллион евро таклиф қилишни режалаштирмоқда.
Бироқ «Барселона» футболчиси учун кўпроқ маблағ — 40 миллион евро олишни истамоқда.
Алехандро Бальде «Барселона» сафида жами 169 та учрашув ўтказиб, 3 та гол урган ва 21 та голли узатмани амалга оширган.
