"Barselona" niderlandiyalik yarim himoyachi Frenki de Yongni qancha mablag‘ evaziga sotishga tayyor ekani ma’lum bo‘ldi.
El Nacional xabariga ko‘ra, kataloniyaliklar futbolchini 65 million yevroga baholamoqda. Manba ta’kidlashicha, jamoa bosh murabbiyi Xans-Diter Flik ham de Yong bilan xayrlashish ehtimoliga qarshi emas.
Avvalroq Flik de Yongni vaqtincha sardorlar guruhidan chiqargani haqida xabarlar tarqalgan edi. Ayrim manbalar buni futbolchining jarohat bilan 2026 yilgi jahon chempionatiga borib, keyin jarohatini og‘irlashtirib olgani bilan bog‘lamoqda. Biroq Flikning o‘zi de Yong bilan munosabatlari yaxshi ekanini ta’kidlagan va sardorlar bo‘yicha qaror tarkib to‘liq shakllangunga qadar vaqtinchalik ekanini aytgan.
Niderlandiyalik futbolchi jarohati tufayli hozirda maydonga tusha olmayapti. Uning tiklanishi bir necha oy vaqt olishi kutilmoqda.
23 avgust kuni "Barselona" Ispaniya chempionatining yangi mavsumidagi ilk uchrashuvini "Elche"ga qarshi o‘tkazadi.
