«Real» Ibraima Konateni jamoaning yangi futbolchisi sifatida tanishtirdi.

Fransiyalik himoyachi «Liverpul» bilan shartnomasi yakuniga yetgach, madridliklar safiga erkin agent sifatida qo‘shildi.

«Bu men uchun juda katta ahamiyatga ega, chunki mening birinchi futbolkam «Real»niki bo‘lgan. Uni menga akam sovg‘a qilgan edi.

Shundan beri ushbu ajoyib jamoada o‘ynashni doimo orzu qilardim va bugun orzuimni amalga oshirayotganimdan baxtiyorman.

Bilamanki, klub ushbu futbolkani kiygan har bir futbolchidan juda katta umid qiladi. Men esa bu jamoa uchun kurashish, maydonda va undan tashqarida bor kuchimni berish uchun shu yerdaman.

Bu yerda o‘zimni juda yaxshi his qilyapman. Faqat bir narsadan — 2022 yil Parijda bo‘lib o‘tgan finaldan afsusdaman. Chunki o‘sha paytda «Liverpul» safida o‘ynardim va «Real Madrid» yana Chempionlar ligasida g‘alaba qozongan edi.

Men «Real» tarixining bir qismiga aylanishni, sovrinlarni qo‘lga kiritishni, jamoa bilan Chempionlar ligasida g‘alaba qozonishni va uning tarixidan abadiy joy olishni istayman. Ushbu futbolka uchun o‘zimni to‘liq bag‘ishlashga va’da beraman», — dedi Konate.