"Barselona" Jyul Kundega "Chelsi" klubi qiziqish bildirganidan so‘ng uning transfer narxini 80 million yevro etib belgiladi. Bu haqda ElNacional.cat xabar berdi.

"Chelsi" Malo Gyusto "Manchester Siti"ga o‘tishini rasmiylashtirsa, Kunde transferini jiddiy ko‘rib chiqishga tayyor. "Barselona" esa bu yozda fransuz himoyachisini 80 million yevrodan kam summaga sotish niyatida emas.

Kundening kataloniyaliklar bilan shartnomasi 2030 yil yoziga qadar amal qiladi. Transfermarkt portali himoyachining transfer qiymatini 60 million yevro deb baholamoqda.

Jyul Kunde o‘tgan mavsumda La Ligada 30 ta uchrashuvda maydonga tushib, 1 ta gol urdi va 3 ta golli uzatmani amalga oshirdi. Fransiyalik futbolchi "Barselona" safida 2022 yildan buyon harakat qilmoqda. U kataloniyaliklar safiga "Sevilya"dan ko‘chib o‘tgan.