«Реал» Ибраима Конатени жамоанинг янги футболчиси сифатида таништирди.

Франциялик ҳимоячи «Ливерпуль» билан шартномаси якунига етгач, мадридликлар сафига эркин агент сифатида қўшилди.

«Бу мен учун жуда катта аҳамиятга эга, чунки менинг биринчи футболкам «Реал»ники бўлган. Уни менга акам совға қилган эди.

Шундан бери ушбу ажойиб жамоада ўйнашни доимо орзу қилардим ва бугун орзуимни амалга ошираётганимдан бахтиёрман.

Биламанки, клуб ушбу футболкани кийган ҳар бир футболчидан жуда катта умид қилади. Мен эса бу жамоа учун курашиш, майдонда ва ундан ташқарида бор кучимни бериш учун шу ердаман.

Бу ерда ўзимни жуда яхши ҳис қиляпман. Фақат бир нарсадан — 2022 йил Парижда бўлиб ўтган финалдан афсусдаман. Чунки ўша пайтда «Ливерпуль» сафида ўйнардим ва «Реал Мадрид» яна Чемпионлар лигасида ғалаба қозонган эди.

Мен «Реал» тарихининг бир қисмига айланишни, совринларни қўлга киритишни, жамоа билан Чемпионлар лигасида ғалаба қозонишни ва унинг тарихидан абадий жой олишни истайман. Ушбу футболка учун ўзимни тўлиқ бағишлашга ваъда бераман», — деди Конате.