Gruziyalik hujumchi Xvicha Kvarasxeliya Chempionlar ligasidagi sermahsul o‘yini haqida gapirib berdi.
— Pley-offning so‘nggi yettita o‘yinida yettita gol urdingiz, lekin sizga qarasak, doim juda xotirjam va erkin ko‘rinasiz. Bunga qanday erishasiz?
— Bu tuyulganchalik oson emas, chunki Chempionlar ligasida barcha jamoalar kuchli va ularga gol urish juda murakkab. Biroq mening ajoyib jamoadoshlarim bor, ular men uchun vaziyatlar yaratib berishmoqda, mendan esa faqat zarba berish va gol urish talab etiladi, xolos. Ayni damda gol urayotganimdan faxrlanaman. Men yaxshi sport formasidaman va shunchaki o‘z ishimni iloji boricha yaxshiroq bajarishga harakat qilyapman, ammo bundan ham ko‘proq gol urishni istayman, — deya Kvarasxeliyaning so‘zlarini «PSJ» rasmiy sayti keltirmoqda.
Eslatib o‘tamiz, 30 may kuni «PSJ» Chempionlar ligasi finalida «Arsenal» bilan to‘qnash keladi.
