Грузиялик ҳужумчи Хвича Кварацхелия Чемпионлар лигасидаги сермаҳсул ўйини ҳақида гапириб берди.

— Плей-оффнинг сўнгги еттита ўйинида еттита гол урдингиз, лекин сизга қарасак, доим жуда хотиржам ва эркин кўринасиз. Бунга қандай эришасиз?

— Бу туюлганчалик осон эмас, чунки Чемпионлар лигасида барча жамоалар кучли ва уларга гол уриш жуда мураккаб. Бироқ менинг ажойиб жамоадошларим бор, улар мен учун вазиятлар яратиб беришмоқда, мендан эса фақат зарба бериш ва гол уриш талаб этилади, холос. Айни дамда гол ураётганимдан фахрланаман. Мен яхши спорт формасидаман ва шунчаки ўз ишимни иложи борича яхшироқ бажаришга ҳаракат қиляпман, аммо бундан ҳам кўпроқ гол уришни истайман, — дея Кварацхелиянинг сўзларини «ПСЖ» расмий сайти келтирмоқда.

Эслатиб ўтамиз, 30 май куни «ПСЖ» Чемпионлар лигаси финалида «Арсенал» билан тўқнаш келади.