«Atalanta» klubi «Yuventus» va «Napoli» jamoalarining sobiq top-menedjeri Kristiano Djuntoli sport direktori lavozimiga tayinlanganini rasman e’lon qildi.
«Atalanta klubi o‘zining qobiliyati, tajribasi va teran qarashlari bilan yuqori darajada o‘zini ko‘rsata olgan futbol menejeri — Kristiano Djuntoli klub sport tuzilmasining sport direktori etib tayinlanganini mamnuniyat bilan e’lon qiladi», — deyiladi Bergamo klubi rasmiy saytida berilgan bayonotda.
54 yoshli Djuntoli «Napoli» klubida sakkiz mavsum (2015–2023) faoliyat yuritgan va jamoani 2022/23 yilgi mavsum yakunida oxirgi 30 yil ichidagi ilk Skudettoga yetaklab kelgan rahbariyat tarkibida bo‘lgan edi. Ushbu muvaffaqiyatli mavsumdan so‘ng u «Yuventus»ga o‘tdi, biroq Turinda bor-yo‘g‘i ikki yil ishlab, iste’foga chiqarildi. Mutaxassis 2024/25 yilgi mavsum yakunidan buyon ishsiz yurgan edi.
