Braziliya milliy terma jamoasi hujumchisi Neymar Misr terma jamoasiga qarshi o‘rtoqlik uchrashuvida ishtirok etmaydi.
Bosh murabbiy Karlo Anchelotti boshchiligidagi murabbiylar shtabi futbolchini bo‘lajak bahs uchun qaydnomadan chiqardi. Bunga Neymarning boldir mushagida orttirib olgan jarohati sabab bo‘lgan.
Neymar Braziliya terma jamoasining 2026 yilgi jahon chempionati uchun e’lon qilingan tarkibiga kiritilgan. Mundialning guruh bosqichida braziliyaliklar Gaiti, Shotlandiya va Marokash terma jamoalariga qarshi kuch sinashadi.













