Londonning «Arsenal» klubi himoyachisi Rikardo Kalafyori Madridning «Real» klubi transfer maqsadlari ro‘yxatida qolmoqda.

Nufuzli insayder Fabrisio Romanoning so‘zlariga ko‘ra, «qaymoqranglilar» haqiqatan ham 24 yoshli italiyalik futbolchining vakillari bilan bog‘lanishgan, biroq klublar o‘rtasidagi rasmiy muzokaralardan hali ancha yiroq.

«Bir necha hafta avval «Real» vakillari Kalafyorining atrofidagi insonlar bilan aloqaga chiqib, u haqida ma’lumot so‘rashdi. Rikardo «Arsenal» uchun juda muhim figura hisoblanadi, shu sababli «Real» uchun ushbu kelishuvni amalga oshirish oson bo‘lmaydi. Biroq Madrid klubi aynan shunday toifadagi futbolchini qidirmoqda», — dedi Romano.

Kalafyorining transfer bahosi Transfermarkt portali tomonidan 55 million yevroga baholanmoqda.