Belgiya milliy terma jamoasi ustozi Rudi Garsiya JCH-2026 arafasida markaziy hujumchi Romelu Lukakuning jismoniy holati haqida fikr bildirdi.
«Bunday uzoq tanaffusdan keyin Romeluning sport formasi bundan ham yomonroq ahvolda bo‘ladi deb o‘ylagan edim. U «Napoli»da kam o‘yin amaliyotiga ega bo‘ldi, umid qilamanki, kelajakda bu vaziyat o‘zgaradi. Lukaku jarohatidan sog‘ayib safga qaytganidan xursandmiz. Terma jamoamizda unga o‘xshash boshqa futbolchi yo‘q. Uni tarkibga asta-sekinlik bilan kiritib boramiz», — deya bosh murabbiyning so‘zlarini keltiradi Football-Italia.
Jahon chempionati — 2026 musobaqasi 11 iyundan 19 iyulgacha AQSH, Kanada va Meksika maydonlarida bo‘lib o‘tadi. Mundialning guruh bosqichida Belgiya terma jamoasi Eron, Misr va Yangi Zelandiya milliy terma jamoalariga qarshi bahs olib boradi.
