Italiya futboli afsonasi Alessandro Nesta «Milan» klubining A Seriyaning ortda qolgan mavsumidagi ishtiroki haqida o‘z fikrlarini bildirib o‘tdi.

"Rossonerilar"ning natijasimi? Uni falokatli deb ayta olmayman. Jamoaning salohiyati bor. Natija uchun javobgarlikni bosh murabbiy va futbolchilar o‘z zimmasiga oladi. Bundan tashqari, jamoaga kuchli markaziy hujumchi juda ham yetishmayapti", — deya sobiq himoyachining so‘zlarini insayder Nikolo Skira o‘z ijtimoiy tarmoqlarida keltirib o‘tdi.

Italiya chempionatining yakuniga yetgan mavsumi natijalariga ko‘ra, Milan klubi 70 ochko jamg‘argan holda turnir jadvalida beshinchi o‘rinni band etdi. Jamoa Yevropa Ligasi yo‘llanmasini qo‘lga kiritdi.