Италия футболи афсонаси Алессандро Неста «Милан» клубининг А Сериянинг ортда қолган мавсумидаги иштироки ҳақида ўз фикрларини билдириб ўтди.
"Россонерилар"нинг натижасими? Уни фалокатли деб айта олмайман. Жамоанинг салоҳияти бор. Натижа учун жавобгарликни бош мураббий ва футболчилар ўз зиммасига олади. Бундан ташқари, жамоага кучли марказий ҳужумчи жуда ҳам етишмаяпти", — дея собиқ ҳимоячининг сўзларини инсайдер Николо Скира ўз ижтимоий тармоқларида келтириб ўтди.
Италия чемпионатининг якунига етган мавсуми натижаларига кўра, Милан клуби 70 очко жамғарган ҳолда турнир жадвалида бешинчи ўринни банд этди. Жамоа Европа Лигаси йўлланмасини қўлга киритди.
