Portugaliya terma jamoasi bosh murabbiyi Roberto Martines mavsum yakunida «Manchester Siti»ni tark etadigan yarim himoyachi Bernardu Silvaning mahoratiga yuqori baho berdi.

«Menimcha, Bernardu shunchalik ajoyib futbolchiki, u istalgan jamoa kiyinish xonasiga osongina kirishib keta oladi. Bunday o‘yinchilar shunchaki paydo bo‘lib qolmaydi, u har qanday uslub va o‘yin tizimiga moslashib, ularni yanada yaxshilay oladi.

Bu yerda gap pozisiyada emas, balki undagi futbol intellektida. Uning texnikasi maydondagi o‘zi ishtirok etgan har qanday vaziyatda ustunlik qilishga yordam beradi. Uning «Barselona»ga moslashib ketishiga shubham yo‘q», – dedi Martines.

Avvalroq Bernarduning «ko‘k-anorranglilar» safiga erkin agent maqomida qo‘shilishi mumkinligi xabar qilingan edi.