Eron terma jamoasi 2026 yilgi Jahon chempionati boshlanishi arafasida yangi muammoga duch keldi. AQSH rasmiylari turnirning guruh bosqichi o‘yinlari uchun Eron tomoniga ajratilgan chiptalar kvotasini bekor qildi.
Eron futbol federasiyasi bayonotida ma’lum qilinishicha, ushbu qaror Yangi Zelandiya, Belgiya va Misr terma jamoalariga qarshi uchrashuvlar uchun chiptalar sotuvi boshlanganidan keyin qabul qilingan.
Eron tomoni ushbu vaziyatni «xalqaro musobaqalar ishtirokchilari tengligi prinsiplarining buzilishi» deb atadi.
Avvalroq Eron terma jamoasi viza olishda ham qiyinchiliklarga duch kelgan edi. Bundan tashqari, ikki davlat o‘rtasidagi keskin munosabatlar fonida jamoa turnir davomidagi o‘z qarorgohini (bazasini) AQSHdan Meksikaning Tixuana shahriga ko‘chirgan edi.
