«PSJ» klubining 25 yoshli hujumkor yarim himoyachisi Li Kan-In Madridning «Atletiko» klubiga ko‘chib o‘tishi mumkin.

Mundo Deportivo nashrining xabariga ko‘ra, Bernardu Silva transferi barbod bo‘lganidan keyin Ispaniya grandi bor e’tiborini «PSJ» xavbekiga qaratgan. Qayd etilishicha, «matraschilar» janubiy koreyalik futbolchi bilan shaxsiy shartnoma shartlarini kelishib olishga ulgurgan. Endi «Atletiko» Kan-In uchun 35 million yevrodan ko‘proq mablag‘ talab qilayotgan «PSJ» rahbariyatini ko‘ndirishi kerak bo‘ladi.

Madridliklar qarorni tezroq qabul qilish zarurligini yaxshi tushunib turishibdi, chunki Jahon chempionatidan so‘ng Kan-Inga boshqa jozibali takliflar paydo bo‘lishi mumkin.

2025/26 yilgi mavsumda yarim himoyachi barcha turnirlarda 39 ta o‘yinda maydonga tushib, 4 ta gol urdi va 5 ta golli uzatmani amalga oshirdi.