«ПСЖ» клубининг 25 ёшли ҳужумкор ярим ҳимоячиси Ли Кан-Ин Мадриднинг «Атлетико» клубига кўчиб ўтиши мумкин.
Mundo Deportivo нашрининг хабарига кўра, Бернарду Силва трансфери барбод бўлганидан кейин Испания гранди бор эътиборини «ПСЖ» хавбекига қаратган. Қайд этилишича, «матрасчилар» жанубий кореялик футболчи билан шахсий шартнома шартларини келишиб олишга улгурган. Энди «Атлетико» Кан-Ин учун 35 миллион евродан кўпроқ маблағ талаб қилаётган «ПСЖ» раҳбариятини кўндириши керак бўлади.
Мадридликлар қарорни тезроқ қабул қилиш зарурлигини яхши тушуниб туришибди, чунки Жаҳон чемпионатидан сўнг Кан-Инга бошқа жозибали таклифлар пайдо бўлиши мумкин.
2025/26 йилги мавсумда ярим ҳимоячи барча турнирларда 39 та ўйинда майдонга тушиб, 4 та гол урди ва 5 та голли узатмани амалга оширди.
