Braziliya terma jamoasi ustozi lavozimida ishlayotgan italiyalik mutaxassis Karlo Anchelotti Jahon chempionati — 2026 musobaqasining 1/16 finali doirasida Yaponiyaga qarshi bo‘lib o‘tadigan o‘yin oldidan hujumchi Neymarning jismoniy holati haqida fikr bildirdi.
«Uning holati kundan-kunga yaxshilanib bormoqda. So‘nggi kunlarda u sezilarli darajada o‘sishga erishdi. Neymar maydonda 15 daqiqadan ko‘proq vaqt o‘tkazishga qodir. Uning uchrashuvda ishtirok etishi o‘yinning borishiga bog‘liq bo‘ladi», — dedi murabbiy matbuot anjumani vaqtida.
Braziliya va Yaponiya terma jamoalari o‘rtasidagi 1/16 final bahsi dushanba kuni, 29 iyun sanasida bo‘lib o‘tadi. Uchrashuv Toshkent vaqti bilan soat 22:00 da boshlanadi.
