Braziliya terma jamoasi qo‘shib berilgan vaqtda Gabriel Martinelli tomonidan kiritilgan gol evaziga Yaponiyani mag‘lub etdi va katta qiyinchilik bilan Jahon chempionatining 1/8 final (nimchorak final) yo‘llanmasini qo‘lga kiritdi.
Opta tahlilchilarining ma’lumotlariga ko‘ra, 95-daqiqada kiritilgan ushbu g‘alaba to‘pi — Jahon chempionatlari pley-off bosqichi tarixida (1966 yildan buyon bunday statistika yuritila boshlangandan beri) asosiy vaqt ichida urilgan eng kechki g‘alaba goli bo‘ldi. Shu tariqa, Londonning «Arsenal» klubi futbolchisi jahon birinchiliklarining yangi tarixiy rekordini o‘rnatdi.
Braziliyaliklarning keyingi bosqichdagi raqibi Kot-d’Ivuar va Norvegiya terma jamoalari o‘rtasidagi uchrashuvda aniqlanadi. Ushbu o‘yin 30 iyun kuni Toshkent vaqti bilan soat 22:00 da boshlanadi.
