Бразилия терма жамоаси қўшиб берилган вақтда Габриэл Мартинелли томонидан киритилган гол эвазига Японияни мағлуб этди ва катта қийинчилик билан Жаҳон чемпионатининг 1/8 финал (нимчорак финал) йўлланмасини қўлга киритди.
Opta таҳлилчиларининг маълумотларига кўра, 95-дақиқада киритилган ушбу ғалаба тўпи — Жаҳон чемпионатлари плей-офф босқичи тарихида (1966 йилдан буён бундай статистика юритила бошлангандан бери) асосий вақт ичида урилган энг кечки ғалаба голи бўлди. Шу тариқа, Лондоннинг «Арсенал» клуби футболчиси жаҳон биринчиликларининг янги тарихий рекордини ўрнатди.
Бразилияликларнинг кейинги босқичдаги рақиби Кот-д’Ивуар ва Норвегия терма жамоалари ўртасидаги учрашувда аниқланади. Ушбу ўйин 30 июнь куни Тошкент вақти билан соат 22:00 да бошланади.
