Fransiyalik afsonaviy sobiq hujumchi Tyerri Anri hozirgi Fransiya terma jamoasi tarkibida kimni eng muhim o‘yinchi deb hisoblashini ma’lum qildi.

«Arsenal»ning sobiq futbolchisi «Bavariya»ning 24 yoshli vingeri Maykl Oliseni alohida e’tirof etdi.

«To‘psiz harakat qilish borasida unga teng keladigani yo‘q. Odatda bunday texnik futbolchilar himoyaviy vazifalarni unutib qo‘yishadi va hamma ularni faqat to‘p bilan qilgan harakatlariga qarab baholaydi, ammo Olise unaqalardan emas. U haqiqiy frik (o‘z ishining telbasi).

Maykl o‘yinga shunchaki boshqacha nigoh bilan qaraydi. U boshqa sayyoradan, shunchaki o‘zgacha. Eng zo‘ri deb doim Mbappeni tan olishadi, chunki sermahsullik borasida unga hech kim tenglasha olmaydi, lekin jamoaning eng muhim o‘yinchisi — Olise», — deya bayonot berdi Anri FOX Soccer studiyasida «uchranglilar»ning Shvesiyaga qarshi o‘yini (3:0) yakunlarini sarhisob qilaturib.

Maykl Olise shvedlar bilan bahsda ikkita golli uzatmani o‘z hisobiga yozdirib qo‘ydi. Kilian Mbappe esa uchrashuvda dubl muallifiga aylandi.