«Milan» klubi hujumchi Rafael Leauni 60-70 million yevroga baholamoqda. Bu haqda Italiyaning Sky nashriga tayanib, jurnalist Janluka di Marsio o‘z saytida xabar berdi.
Manbaning bergan ma’lumotiga ko‘ra, Jahon chempionati yakunlanganidan so‘ng «Milan» rahbariyati futbolchi bilan uchrashadi va uning kelajagi borasida birgalikda bir qarorga kelishadi.
Avvalroq Leauning o‘zi sportchilik faoliyatida yangi bosqichni boshlash — Italiyadan tashqariga ko‘chib o‘tish istagi borligini bildirgan edi. Ayni damda Rafael Portugaliya terma jamoasi ixtiyorida bo‘lib turibdi. Jamoa Jahon chempionatining 1/16 finali doirasida Xorvatiyaga qarshi kechadigan bahsga tayyorgarlik ko‘rmoqda.
27 yoshli Rafael Leauning «Milan» bilan amaldagi shartnomasi 2028 yilning o‘rtalariga qadar mo‘ljallangan.
