«Милан» клуби ҳужумчи Рафаэл Леауни 60-70 миллион еврога баҳоламоқда. Бу ҳақда Италиянинг Sky нашрига таяниб, журналист Жанлука ди Марцио ўз сайтида хабар берди.
Манбанинг берган маълумотига кўра, Жаҳон чемпионати якунланганидан сўнг «Милан» раҳбарияти футболчи билан учрашади ва унинг келажаги борасида биргаликда бир қарорга келишади.
Аввалроқ Леаунинг ўзи спортчилик фаолиятида янги босқични бошлаш — Италиядан ташқарига кўчиб ўтиш истаги борлигини билдирган эди. Айни дамда Рафаэл Португалия терма жамоаси ихтиёрида бўлиб турибди. Жамоа Жаҳон чемпионатининг 1/16 финали доирасида Хорватияга қарши кечадиган баҳсга тайёргарлик кўрмоқда.
27 ёшли Рафаэл Леаунинг «Милан» билан амалдаги шартномаси 2028 йилнинг ўрталарига қадар мўлжалланган.
