Ispaniya terma jamoasi posboni Unay Simon Portugaliya terma jamoasi hujumchisi Krishtianu Ronaldu haqida o‘z fikrlarini bildirdi.

6 iyul kuni Toshkent vaqti bilan soat 00:00 da jahon chempionatining 1/8 finali doirasida ushbu jamoalar o‘rtasidagi uchrashuv start oladi.

«Krishtianu jarima maydonchasi ichida to‘pni qabul qildimi — bo‘ldi, har qanday vaziyatni gol bilan yakunlay oladi. U uzatilayotgan to‘plarga ega chiqish uchun uzoq ustun yonida ochilishni va himoyachilarni ortda qoldirib, to‘pga birinchi bo‘lib yetib borishni yaxshi ko‘radi. Ba’zan esa raqib xatosini kutib, 11 metrlik nuqta atrofida qulay fursat poylaydi. Ronaldu bunday vaziyatlarni oldindan sezishda (o‘qishda) beqiyos, shu bolatdan biz har qanday kutilmagan holatga tayyor turishimiz kerak. Asosiy vazifamiz — uni jarima maydonchamizga yaqinlashtirmaslik va darvozadan iloji boricha uzoqroqda harakat qilishga majburlashdir», — dedi Simon o‘yin oldidan OAVga bergan intervyusida.

Ma’lumot uchun, Ronaldu joriy mundialning to‘rtta uchrashuvida o‘z hisobiga uchta gol yozdirib qo‘yishga ulgurdi.