Испания терма жамоаси посбони Унай Симон Португалия терма жамоаси ҳужумчиси Криштиану Роналду ҳақида ўз фикрларини билдирди.

6 июль куни Тошкент вақти билан соат 00:00 да жаҳон чемпионатининг 1/8 финали доирасида ушбу жамоалар ўртасидаги учрашув старт олади.

«Криштиану жарима майдончаси ичида тўпни қабул қилдими — бўлди, ҳар қандай вазиятни гол билан якунлай олади. У узатилаётган тўпларга эга чиқиш учун узоқ устун ёнида очилишни ва ҳимоячиларни ортда қолдириб, тўпга биринчи бўлиб етиб боришни яхши кўради. Баъзан эса рақиб хатосини кутиб, 11 метрлик нуқта атрофида қулай фурсат пойлайди. Роналду бундай вазиятларни олдиндан сезишда (ўқишда) беқиёс, шу болатдан биз ҳар қандай кутилмаган ҳолатга тайёр туришимиз керак. Асосий вазифамиз — уни жарима майдончамизга яқинлаштирмаслик ва дарвозадан иложи борича узоқроқда ҳаракат қилишга мажбурлашдир», — деди Симон ўйин олдидан ОАВга берган интервьюсида.

Маълумот учун, Роналду жорий мундиалнинг тўртта учрашувида ўз ҳисобига учта гол ёздириб қўйишга улгурди.