Norvegiya milliy terma jamoasi yetakchilaridan biri Martin Edegor JCH-2026 chorak finalidagi Angliya terma jamoasiga qarshi bahs oldidan o‘z fikrlarini bildirdi.
«Biz bu jamoani juda yaxshi bilamiz, ularning o‘yinchilari kuchli tomonlaridan xabardormiz. Angliya sharafini yuqori saviyadagi futbolchilar himoya qilishmoqda. Bu ayni damda dunyoning eng kuchli terma jamoalaridan biri. Norvegiya uchun bo‘lajak uchrashuv jiddiy sinov bo‘ladi», — deya yarim himoyachining so‘zlarini keltiradi The Mirror.
Norvegiyaliklar va inglizlar o‘rtasidagi 1/4 final uchrashuvi yakshanba, 12 iyul kuni bo‘lib o‘tadi. O‘yin Toshent vaqti bilan soat 02:00 da boshlanishi rejalashtirilgan. G‘olib jamoa yarim finalda Argentina — Shveysariya juftligi kuchlisi bilan o‘ynaydi.
