Hujumchi Jeymi Vardi «Lester»ga qaytmaydi. Bu haqda talkSPORT xabar bermoqda.

«Kremoneze»dan ketganidan so‘ng erkin agent maqomida bo‘lgan 39 yoshli angliyalik hujumchi klub mashg‘ulot kiyimidagi videosini e’lon qilgach, «Lester»ga qaytishi mumkinligi haqida mish-mishlar tarqalgan edi.

Ma’lum bo‘lishicha, Vardi jismoniy holatini saqlab qolish uchun «tulkilar» infratuzilmasidan foydalangan. Chidamlilik testlaridan o‘tganidan so‘ng, u hozir ham yangi klub izlashda davom etmoqda.

Vardi 13 mavsumdan so‘ng 2025-yilning yozida «Lester»ni tark etgan edi. Shu vaqt ichida u 500 ta o‘yin o‘tkazib, 200 ta gol urgan va jamoaga APLda sensasion g‘alaba qozonishda yordam bergan.