Ҳужумчи Жейми Варди «Лестер»га қайтмайди. Бу ҳақда talkSPORT хабар бермоқда.
«Кремонезе»дан кетганидан сўнг эркин агент мақомида бўлган 39 ёшли англиялик ҳужумчи клуб машғулот кийимидаги видеосини эълон қилгач, «Лестер»га қайтиши мумкинлиги ҳақида миш-мишлар тарқалган эди.
Маълум бўлишича, Варди жисмоний ҳолатини сақлаб қолиш учун «тулкилар» инфратузилмасидан фойдаланган. Чидамлилик тестларидан ўтганидан сўнг, у ҳозир ҳам янги клуб излашда давом этмоқда.
Варди 13 мавсумдан сўнг 2025-йилнинг ёзида «Лестер»ни тарк этган эди. Шу вақт ичида у 500 та ўйин ўтказиб, 200 та гол урган ва жамоага АПЛда сенсацион ғалаба қозонишда ёрдам берган.
