«Barselona» himoyachisi Jyul Kunde bu yozda «Bavariya»ga o‘tmaydi.

Jurnalist Florian Plettenbergning ma’lumotlariga ko‘ra, OAVdagi mish-mishlarga qaramay, Myunxen klubi fransiyalik futbolchiga qiziqish bildirmayapti. «Bavariya» Kundeni top-darajali o‘yinchi deb hisoblasa-da, uning transferi bo‘yicha hech qanday muzokaralar olib borilmayapti va u hozirgi bosqichda myunxenliklarning transfer nishoni emas.

Jyul Kunde 2022 yilda «Sevilya»dan «Barselona»ga 50 million yevro evaziga o‘tgan edi. Uning kataloniyaliklar klubi bilan tuzgan shartnomasi 2030 yilning 30 iyuniga qadar mo‘ljallangan. 2025/26 yilgi mavsumda himoyachi «ko‘k-anorranglilar» safida barcha musobaqalarda 47 ta o‘yin o‘tkazib, uchta gol urdi va to‘rtta golli uzatmani amalga oshirdi. Transfermarkt portali Kundening narxini 60 million yevroga baholamoqda.