«Monako» va AQSH terma jamoasi hujumchisi Folarin Balogun faoliyatini Italiyada davom ettirishi mumkin.

Insayder Nikolo Skiraning xabar berishicha, «Yuventus» forvardni o‘z tarkibiga qo‘shib olishdan manfaatdor. Turin klubi 25 yoshli futbolchining transferi uchun taxminan 35 million yevro taklif qilishga tayyor. Amerikalik futbolchi «Monako»da nisbatan kam maosh oladi, shu sababli u bilan shaxsiy shartnoma borasida kelishib olish qiyinchilik tug‘dirmaydi.

Folarin Balogun 2023 yilda 30 million yevro evaziga «Arsenal»dan «Monako»ga o‘tgan edi. Uning monegaskliklar bilan tuzgan shartnomasi 2028 yilning 30 iyuniga qadar mo‘ljallangan. 2025/26 yilgi mavsumda hujumchi 43 ta uchrashuvda maydonga tushib, 19 ta gol urdi va 5 ta golli uzatmani amalga oshirdi.