«Монако» ва АҚШ терма жамоаси ҳужумчиси Фоларин Балогун фаолиятини Италияда давом эттириши мумкин.
Инсайдер Николо Скиранинг хабар беришича, «Ювентус» форвардни ўз таркибига қўшиб олишдан манфаатдор. Турин клуби 25 ёшли футболчининг трансфери учун тахминан 35 миллион евро таклиф қилишга тайёр. Америкалик футболчи «Монако»да нисбатан кам маош олади, шу сабабли у билан шахсий шартнома борасида келишиб олиш қийинчилик туғдирмайди.
Фоларин Балогун 2023 йилда 30 миллион евро эвазига «Арсенал»дан «Монако»га ўтган эди. Унинг монегаскликлар билан тузган шартномаси 2028 йилнинг 30 июнига қадар мўлжалланган. 2025/26 йилги мавсумда ҳужумчи 43 та учрашувда майдонга тушиб, 19 та гол урди ва 5 та голли узатмани амалга оширди.
