Франция терма жамоаси 2026 йилги Жаҳон чемпионатининг учинчи ўрин учун кечадиган баҳсида Англияга қарши майдонга тушади.
Кўпчилик томонидан турнирнинг асосий фаворити дея эътироф этилган францияликлар ярим финалда Испанияга имкониятни бой беришди (0:2). L'Equipe нашри Франция терма жамоасига яқин манбаларга таяниб хабар беришича, «уч ранглилар» футболчилари финал ўрнига учинчи ўрин учун баҳсда иштирок этишга мажбур бўлаётганидан руҳий тушкунликда: «Улар бу ерга бунинг учун келишмаган эди».
Кўринишидан, Франция терма жамоаси етакчилари ушбу баҳсда майдонга тушишга унчалик иштиёқманд эмас. Бош мураббий Дидье Дешам Англияга қарши ўйинда таркибда жиддий ротация амалга ошириши кутилмоқда. Дарвоқе, ушбу баҳс мураббий учун истеъфога чиқишидан олдинги сўнгги учрашув бўлади. Ўйин 19 июль куни (Тошкент вақти билан 02:00) бўлиб ўтади.
