Fransiya terma jamoasi 2026 yilgi Jahon chempionatining uchinchi o‘rin uchun kechadigan bahsida Angliyaga qarshi maydonga tushadi.

Ko‘pchilik tomonidan turnirning asosiy favoriti deya e’tirof etilgan fransiyaliklar yarim finalda Ispaniyaga imkoniyatni boy berishdi (0:2). L'Equipe nashri Fransiya terma jamoasiga yaqin manbalarga tayanib xabar berishicha, «uch ranglilar» futbolchilari final o‘rniga uchinchi o‘rin uchun bahsda ishtirok etishga majbur bo‘layotganidan ruhiy tushkunlikda: «Ular bu yerga buning uchun kelishmagan edi».

Ko‘rinishidan, Fransiya terma jamoasi yetakchilari ushbu bahsda maydonga tushishga unchalik ishtiyoqmand emas. Bosh murabbiy Didye Desham Angliyaga qarshi o‘yinda tarkibda jiddiy rotasiya amalga oshirishi kutilmoqda. Darvoqe, ushbu bahs murabbiy uchun iste’foga chiqishidan oldingi so‘nggi uchrashuv bo‘ladi. O‘yin 19 iyul kuni (Toshkent vaqti bilan 02:00) bo‘lib o‘tadi.