Millatlar ligasi «A» ligasi guruh bosqichi 2-turidan o‘rin olgan Ispaniya va Xorvatiya terma jamoalari o‘rtasidagi uchrashuv yakunlandi. Sevilya shahridagi «Ramon Sanches Pisxuan» stadionida o‘tkazilgan bahs mezbonlarning 4:1 hisobidagi g‘alabasi bilan yakunlandi.

Uchrashuvning 2-daqiqasida Ispaniya terma jamoasi hujumchisi Lamin Yamal hisobni ochdi. 28-daqiqada mehmonlar vakili Dion Belyo muvozanatni tikladi. Oradan uch daqiqa o‘tib, himoyachi Mark Pubil Ispaniyani yana oldinga olib chiqdi.

63-daqiqada Lamin Yamal o‘zining ikkinchi golini urib, dubl qayd etdi. Uchrashuv yakuniga yaqin esa Ispaniya terma jamoasi qanot hujumchisi Niko Uilyams hisobni yirik ko‘rinishga keltirdi — 4:1.

Guruh bosqichining navbatdagi turida 3 oktyabr kuni Ispaniya Chexiya bilan, Xorvatiya esa Angliya bilan bahs olib boradi.

UYEFA Millatlar ligasi. «A» ligasi, 3-guruh. 2-tur
29 sentyabr 2026 yil. Sevilya. «Ramon Sanches Pisxuan» stadioni.
Ispaniya — Xorvatiya — 4:1
Gollar: Yamal, 2 — 1:0; Belyo, 28 — 1:1; Pubil, 31 — 2:1; Yamal, 63 — 3:1; Uilyams, 89 — 4:1.