«Реал» бош мураббийи Жозе Моуринью келаси мавсум учун дарвозабонлар масаласи бўйича якуний қарорга келди.

Испаниянинг AS нашри маълумотига кўра, португалиялик мутахассис Тибо Куртуани асосий дарвозабон, Андрей Лунинни эса унинг ишончли захираси сифатида кўрмоқда. Шу сабабли Моуринью ушбу позицияни кучайтиришга ҳожат йўқ, деб ҳисобламоқда.

Шунингдек, янги мавсумда асосий жамоа билан яна икки нафар дарвозабон — Фран Гонсалес ва Хави Наварро ҳам машғулот ўтказади.

Эслатиб ўтамиз, Жозе Моуринью аввал ҳам 2010–2013 йилларда «Реал»ни бошқарган. Унинг қўл остида мадридликлар Испания чемпионлиги, шунингдек, мамлакат Кубоги ва Суперкубогини қўлга киритган эди.

Моуринью «Реал»га қайтишидан аввал жамоа бош мураббийи лавозимида Альваро Арбелоа фаолият юритган.