Бильбаонинг «Атлетик» клуби ва Испания терма жамоаси марказий ҳимоячиси Эмерик Лапорт Мадриднинг «Реал» клубига ўтишга тайёр.
Журналист Мигель Серранонинг хабар беришича, 32 ёшли футболчи «қироллик клуби»га ўз хизматларини таклиф қилган. «Атлетик» тажрибали ҳимоячи учун тахминан 25 миллион евро талаб қилади, бироқ «Реал» ҳозирги вақтда ушбу трансферни амалга ошириш имкониятини кўриб чиқмаяпти.
Аввалроқ Эмерик Лапортга Ла Лиганинг яна бир гранди — «Барселона» томонидан қизиқиш билдирилаётгани ҳақида хабарлар пайдо бўлган эди. 19 июль куни футболчи Испания терма жамоаси сафида Жаҳон чемпиони бўлиши мумкин — финалда улар Аргентина термасига қарши майдонга тушади.
