Мадриднинг «Реал» клуби президенти Флорентино Перес Майкл Олисе яқин келажакда жамоа сафига қўшилиши кераклигига амин.
Турли миш-мишларга кўра, француз футболчиси аллақачон шу ёз «Бавария»ни «қаймоқранглилар» учун тарк этишга тайёр. Инсайдер Фабрицио Романонинг хабарига кўра, Перес ушбу трансфер ғоясига берилиб кетган ва 24 ёшли футболчи клубга жуда мос келади деб ҳисоблайди. Флорентино атрофдагиларни Олисе «Реал»да ўйнаш учун туғилганига ишонтирмоқда.
«Бавария» эса ҳалигача ўз юлдузини сотишни истамаяпти. «Реал» ушбу битимни амалга ошириш учун рекорд даражадаги маблағ сарфлашига тўғри келиши тахмин қилинмоқда. Transfermarkt сайтида футболчининг нархи 150 миллион евро деб кўрсатилган.
