Англия терма жамоаси ярим ҳимоячиси Деклан Райс ЖЧ-2026 ярим финалида Аргентинага қарши ўйинда қизил карточка олиш хавфи остида қолган эди.
Лондоннинг «Арсенал» клуби вакили рақиблари олдига бориб, оғзини тўсган ҳолда уларга нимадир деган. Янги «Престианни қоидаси»га кўра, бу ҳолат четлатиш билан жазоланиши керак, бироқ инглиз футболчиси санкциялардан қутулиб қолди ва 82-дақиқагача ўйнаб, сўнгра захирага олинди. Аргентиналиклар «уч шерлар» хавбекига қизил карточка талаб қилишмади.
Эслатиб ўтамиз, аввалроқ жаҳон чемпионатида худди шундай қилмиши учун парагвайлик Мигель Альмирон ва эквадорлик Пьеро Инкапье майдондан четлатилган эди. «Престианни қоидаси» мундиал бошланишидан сал олдин жорий этилган эди.
Англия терма жамоаси Аргентинага 1:2 ҳисобида имкониятни бой берди.
