Ўтган мавсумни "Барселона"да ижара асосида ўтказган "Манчестер Юнайтед" ҳужумчиси Маркус Рэшфорд клубнинг "Боруссия Д" вингери Карим Адейемини ўз сафига қўшиб олганини эшитгач, каталонияликлар сафига ўта олмаслигини англаб етди. Бу ҳақда Sport.es хабар бермоқда.
Манбанинг маълумотига кўра, Рэшфорд "блауграна"дан "бироз хафа", чунки у "Барселона" уни ўз сафида олиб қолиш учун кутилганидан кўра узоқроқ курашади деб ўйлаган эди. Вингер "Барселона"да қолиш учун маошини камайтиришга ҳам тайёр бўлган. Ҳужумчи "Манчестер Юнайтед"да мавсумолди тайёргарликни ўтказишга рози бўлди, чунки бош мураббий Майкл Кэррик унга ишонч билдирмоқда.
Таъкидланишича, Рэшфорд Европанинг топ-жамоасидан таклиф тушса, "қизил иблислар" сафини тарк этишга тайёр. Футболчи Саудия Арабистонига кетиш вариантини кўриб чиқмаяпти.
Ўтган мавсумда ҳужумчи "Барселона" сафида 49 та ўйин ўтказиб, 14 та гол урган ва 14 та голли узатмани амалга оширган.
