FIFA Jahon chempionligi uchun kechgan o‘yin yakunlanganidan so‘ng Argentina terma jamoasi vakillarining harakatlarini surishtirish niyatida.
Argentinaliklar JCH-2026 finalida Ispaniyaga imkoniyatni boy berishdi (0:1, qo‘shimcha vaqtda).
Jamoalar o‘rtasidagi final o‘yini yakunlanishi bilan maydonda ommaviy mushtalashuv kelib chiqdi.
Argentina terma jamoasi va «Atletiko» himoyachisi Nauel Molina yonidan yugurib o‘tayotgan ispaniyaliklar sardori Rodrining ko‘kragiga qo‘li bilan urdi. «Manchester Siti» yarim himoyachisi to‘xtab, Molinaning oldiga keldi va ular o‘rtasida dahanaki jang boshlandi. Bunga boshqa futbolchilar, jumladan Leandro Paredes ham qo‘shildi.
Paredes avvaliga Ispaniya terma jamoasi himoyachisi Erik Garsiyani tajovuzkorona itarib yubordi, so‘ngra uning bo‘g‘izidan tutdi. Jamoadoshining yonini olib Gavi oraga tushdi, biroq «Boka Xuniors» xavbeki ispaniyalik yarim himoyachini maydon maysasiga yiqitdi.
Bundan tashqari, Argentina terma jamoasi murabbiylar shtabi a’zosi Roberto Ayyala final hakamining xushtagidan so‘ng ispaniyaliklar yarim himoyachisi Dani Olmo bilan tortishib qoldi va keyin uning yuziga urdi. Bundan so‘ng Erik Garsiya argentinalikni qo‘li bilan ko‘kragidan yengilgina itarib yubordi.
Sky Sports News ma’lumotlariga ko‘ra, FIFA ushbu epizodlarda argentinaliklarning xatti-harakatlarini ko‘rib chiqishni rejalashtirmoqda.
