«Manchester Yunayted» «Bolonya» yarim himoyachisi Jonatan Rou uchun «Everton» bilan jiddiy raqobat olib bormoqda.
23 yoshli futbolchi o‘z vaqtida amaldagi «Oltin to‘p» sohibi Usmon Dembelega qiyoslangan bo‘lib, A Seriyadagi yorqin o‘yinlaridan so‘ng APL klublari e’tiborini tortdi. Corriere di Bologna nashri xabariga ko‘ra, «Bolonya» har ikkala qanotda ham birdek harakat qila oladigan ushbu universal futbolchi uchun taxminan 35 million funt sterling olishni rejalashtirmoqda. «Everton» ham Rouga juda jiddiy qiziqish bildirmoqda.
Britaniya va Yamayka fuqaroligiga ega bo‘lgan Rou Angliyaning turli yoshdagi terma jamoalarida to‘p surgan. U 2025 yilgi yoshlar o‘rtasidagi Yevropa chempionatida (U21) asosiy qahramonlardan biriga aylanib, Germaniyaga qarshi kechgan final o‘yinida zaxiradan maydonga tushgan va jamoasiga g‘alaba keltirgan golga mualliflik qilgan edi.
