Jahon chempionatidan so‘ng hozirda ta’tilda bo‘lgan Fransiya terma jamoasi a’zosi Mayk Menyan «Milan» bilan bog‘liq tarjimai holi (bio) bo‘limini va «rossonerilar» bilan bog‘liq fotosuratlarni o‘chirib tashladi. Bu esa uning kelajagi borasida yangi muhokamalarga sabab bo‘ldi.

Na Menyan va na «Milan» ushbu o‘zgarishlar bo‘yicha izoh bergani yo‘q, shuningdek, bu xatti-harakat transfer bilan bog‘liqligi haqida hech qanday ishora mavjud emas. Darvozabon jamoani tark etish istagini oshkora bildirmagan va muxlislar vaziyatga aniqlik kiritilishini kutishmoqda.

31 yoshli Menyan 2021 yilda «Lill»dan kelib qo‘shilganidan beri «Milan» sharafini himoya qilib kelmoqda va shu yilning boshida klub bilan shartnomasini 2031 yilgacha uzaytirgan edi. Fransiyalik darvozabon davom etayotgan transfer mish-mishlariga qaramay, klubning asosiy o‘yinchilaridan biri bo‘lib qolmoqda.