Жаҳон чемпионатидан сўнг ҳозирда таътилда бўлган Франция терма жамоаси аъзоси Майк Меньян «Милан» билан боғлиқ таржимаи ҳоли (био) бўлимини ва «россонерилар» билан боғлиқ фотосуратларни ўчириб ташлади. Бу эса унинг келажаги борасида янги муҳокамаларга сабаб бўлди.
На Меньян ва на «Милан» ушбу ўзгаришлар бўйича изоҳ бергани йўқ, шунингдек, бу хатти-ҳаракат трансфер билан боғлиқлиги ҳақида ҳеч қандай ишора мавжуд эмас. Дарвозабон жамоани тарк этиш истагини ошкора билдирмаган ва мухлислар вазиятга аниқлик киритилишини кутишмоқда.
31 ёшли Меньян 2021 йилда «Лилль»дан келиб қўшилганидан бери «Милан» шарафини ҳимоя қилиб келмоқда ва шу йилнинг бошида клуб билан шартномасини 2031 йилгача узайтирган эди. Франциялик дарвозабон давом этаётган трансфер миш-мишларига қарамай, клубнинг асосий ўйинчиларидан бири бўлиб қолмоқда.
